Bosnja zhvarros eshtrat e tre viktimave të luftës në Mostar

Pjesë të skeleteve të tre personave, që besohet se janë viktima boshnjake të luftës që u zhdukën në vitin 1993, janë zhvarrosur nga një vend varrimi në zonën e Mostarit.

Instituti Boshnjak për Personat e Zhdukur tha të mërkurën se eshtrat e tre viktimave të dyshuara të luftës boshnjake që u zhdukën në zonën e Mostarit në 1993 janë zhvarrosur në Miljkovici.

“Pas zhvarrosjes, pjesët e skeleteve të gjetura janë transferuar në varrezat e qytetit të Sutinës, ku do të vijojë përpunimi kriminalo-teknik dhe mjeko-ligjor, si dhe marrja e mostrave të eshtrave për të përcaktuar identitetin e viktimave përmes analizës së ADN-së”, tha tha Instituti.

Mbetjet mortore të njërit prej trupave ishin djegur pjesërisht, por mund të merret një mostër ADN-je, tha për BIRN zëdhënësja e Institutit, Emza Fazliç./birn/

Rruga Press