Bordi i Transparencës ul çmimet e karburanteve në vend

August 31, 2022 user 1

Bordi i Transparencës ka vendosur çmime të reja të karburanteve në vend. Nafta ulet me 9 lekë nga çmimi që ishte, benzina 2 lekë dhe gazi me 1 lekë.

Vendimet e Bordit të Transparencës në datë 31 Gusht 2022, janë si rezultat i uljes së çmimeve në bursën Platts Mediteran.

Si rrjedhojë çmimet e vendosura janë :

Lexo më shumë Funksionalizimi i nënstaciont Ferizaj 3, Rizvanolli: Ky investim mundëson furnizim të sigurt dhe të qëndrueshëm

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 239 lekë/litri, ndërsa i shitjes me shumicë jo më shumë se 227 lekë/litër;

Çmimi i shitjes me pakicë i nënproduktit benzinë e standardit SSH EN të jetë jo më shumë se 199 lekë/litri,ndërsa i shitjes me shumicë jo më shumë se 187 lekë/litër;

Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Lexo më shumë Ministri Sveçla: Si rezultat i efikasitetit juaj, Kosova renditet e 12-ta në botë për ndjenjën e lartë të sigurisë së qytetarëve

Rruga Press