Lajme

Bllokohet krejtësisht rruga në aksin Elbasan-Librazhd

Reshjet e dendura të shiut kanë bërë që të rrëshqasin nga malet gurë, inerte dhe masa shkëmbore duke e bllokuar rrugën në të dy anët në vendin e quajtur ‘Kthesat e Murrashit’.

Në këtë aks ndodhen shërbimet e policisë si dhe firma kotraktore të cilët po punojnë për zhbllokimin e situatës.

Policia Rrugore, ka shtuar prezencën e saj në të gjitha akset rrugore, me qëllim orientimin e trafikut dhe parandalimin e ngjarjeve rrugore.

Lexo më shumë  Fetoshi: Lista Studentore në Serbi vazhdon politikën e Vuçiqit ndaj Kosovës, Rusisë dhe Kinës

Policia u ka bërë apel të gjithë drejtuesve të mjeteve që të tregojnë kujdes gjatë drejtimit të mjeteve, të reduktojnë shpejtësinë dhe të respektojnë rregullat e qarkullimit rrugor në mënyrë që të shmangen aksidentet.

Kthesat e Murrashit konsiderohen si ‘aksi i vdekjes’ në segmentin Elbasan-Librazhd. Aty kanë ndodhur dhjetëra aksidente me pasoja tragjike për qytetarët. Rasti më i fundit ishte mjeti që ra në Shkumbin ku humbën jetën tre qytetarë.

Lexo më shumë  Haxhiu prezanton projektplanin për agjendën parlamentare për çështje të grave dhe barazi gjinore

Rruga Press

YouTube player

Leave a Reply

Your email address will not be published. Required fields are marked *