Blinken: Kur bëhet fjalë për objektivat strategjike, Putini tashmë ka dështuar

Sekretari i Shtetit, Antony Blinken, tha të dielën se Ukraina do të vazhdojë të jetë e pavarur.

“Kur bëhet fjalë për objektivat strategjike të Putinit, ai tashmë ka dështuar”, citohet të ketë thënë Blinken, gjatë një interviste për CNN, përcjell Telegrafi.

“Objektivi i tij strategjik ishte t’i jepte fund sovranitetit dhe pavarësisë së Ukrainës, ta fshinte atë nga harta, ta përfshinte atë në Rusi. Kjo ka dështuar dhe një Ukrainë sovrane dhe e pavarur do të qëndrojë shumë më gjatë se sa është në skenë Vladimir Putin”.

Lexo më shumë  Tensionohen gjakrat në Egje, ministri turk: Do ta marrim me not ishullin grek

Ai më pas shtoi: “Ka një betejë taktike, të egër që po zhvillohet në Ukrainën lindore… Por ajo që është me të vërtetë e rëndësishme është se Putini nuk do të ketë sukses në atë që është përpjekur të arrijë”.

Blinken u zotua se G7 dhe NATO “do të vazhdojnë të bëjnë kolektivisht gjithçka që munden për të siguruar që ukrainasit të kenë atë që u nevojitet në duart e tyre për të zmbrapsur agresionin rus”.

Sekretari i Shtetit tha gjithashtu se sulmet e fundit me raketa nuk kishin “qëllim tjetër përveç përpjekjes për të terrorizuar ukrainasit”.

Lexo më shumë  Njohja e Kosovës, në dorën e Zelenskit/ Deputeti ukrainas: Presidenti ka shumicën në parlament

Rruga Press

Leave a Reply

Your email address will not be published.