Bislimi kritikon Lajçakun për qasje jo të drejtë e joneutrale në dialogun Kosovë – Serbi

ëvendëskryeministri i Kosovës, Besnik Bislimi, ka kritikuar emisarin e Bashkimit Evropian për dialogun Kosovë – Serbi, Miroslav Lajçak, për qasje jo të drejtë e joneutrale ndaj palëve në dialog.

Kjo pasi, sipas tij, Lajçaku dje ka mbajtur një takim me përfaqësuesit e Konventës Kombëtare për Bashkimin Evropian (NCEU) në Bruksel, duke thënë se ai nuk e ka theksuar se është delegacion i cili përbëhet kryesisht nga OJQ-të serbe nga Kosova.

Në një postim në rrjetin social “X”, Bislimi ka thënë këto OJQ “në mënyrë aktive dhe të hapur advokojnë kundër integrimit të qytetarëve serbë në jetën ekonomike dhe sociale të Kosovës”.

1/3 EUSR Lajcak posted from a meeting held with NCEU, hours before reporting to PSC on the normalization dialogue between Kosova and Serbia, but decided not to mention that it is about NCEU in Serbia.https://t.co/PArrbcpyQ7

— Besnik Bislimi (@BislimiBesnik) February 14, 2024

“Emisari Lajçak ka postuar nga takimi i mbajtur me NCEU (National Convention on European Union in Serbia), disa orë para raportimit në PSC (Political and Security Committee) për dialogun ndërmjet Kosovës dhe Serbisë, por ka vendosur të mos përmendë se bëhet fjalë për NCEU në Serbi. Megjithatë, delegacioni përbëhet kryesisht nga OJQ-të serbe nga Kosova, të cilat në mënyrë aktive dhe të hapur advokojnë kundër integrimit të qytetarëve serbë në jetën ekonomike dhe sociale të Kosovës” , ka shkruar Bislimi.

Sipas Bislimit, Lajçaku duhet të sqarojë nëse OJQ-të serbe nga Kosova janë pjesë e NCEU Serbia dhe nëse NCEU Serbia bie nën ombrellën e tij duke e kritikuar kështu për qasjen e tij në dialogun Kosovë-Serbi.

“Z. Lajçak duhet të na shpjegojë nëse në narrativën e tij, OJQ-të serbe nga Kosova janë pjesë e NCEU Serbia dhe nëse NCEU Serbia bie nën ombrellën e tij. Një tjetër demonstrim i fortë i qasjes ‘të drejtë’ dhe ‘neutrale’ të zotit Lajçak ndaj palëve në procesin e normalizimit”, ka vijuar Bislimi.

Rruga Press