Biseda e Shabanit me oficerin e BIA-s, Musliu: Neveritëse ta dëgjosh një shqiptar kështu – ndaleni këtë tradhti kombëtare

June 13, 2024 user 1

Drejtori i Institutit për Studime të Luftës Hibride “OCTOPUS”, Agim Musliu ka komentuar përgjimin e dytë të publikuar mes Bedri Shabanit të arrestuar si i dyshuar për spiunazh dhe oficerit të BIA-s serbe Srdjan Rosiq.

Musliu ka apeluar që të ndalet kjo tradhti kombëtare, derisa ka shtuar se të gjithë ata që janë të tillë nuk kanë shpëtim por vetëm vonim.

Lexo më shumë Shqipëria renditet e katërta në Evropë për shkallën e lartë të vdekshmërisë nga ndotja e ajrit, me 164 vdekje për 100,000 banorë

“Të gjithë ata që janë të tillë, nuk kanë shpëtim, vetëm vonim! Prandaj, ndaleni këtë tradhti kombëtare! Është tejet neveritëse ta dëgjosh një shqiptar kështu! Distancohuni nga të tillët! Bëjeni publikisht këtë!”, ka shkruar Musliu në një postim në Facebook.

Musliu tutje ka kërkuar nga organet e sigurisë dhe drejtësisë që të mos i neglizhojnë këto raste.

Lexo më shumë Kandidati për deputet, Ejup Maqedonci viziton aktivistët e VETËVENDOSJE!-s në Drenas

“Organeve të sigurisë dhe të drejtësisë: punoni më shumë dhe mos i neglizhoni këto! Këta njerëz janë më të rrezikshëm sesa terroristët”, është shprehur Musliu.

Rruga Press