Biden: Jam në këtë garë deri në fund dhe do të fitojmë

July 4, 2024 User2

Presidenti i Shteteve të Bashkuara të Amerikës, Joe Biden, ka hedhur poshtë zërat se synon të heqë dorë nga kandidatura për zgjedhjet e ardhshme, duke theksuar se është gati për fitore në nëntor.

Ka pasur shqetësime në ngritje për aftësitë e 81-vjeçarit pas debatit të dobët që zhvilloi me rivalin republikan Donald Trump.

Lexo më shumë Zelenskyy akuzon Rusinë se po përpiqet ta përfshijë Bjellorusinë më thellë në luftën kundër Ukrainës

“Më lejoni ta them këtë sa më qartë që të mundem, sa më thjeshtë dhe drejtpërdrejtë sa të mundem: po kandidoj… askush nuk po më shtyn të tërhiqem. Unë nuk po largohem. Unë jam në këtë garë deri në fund dhe ne do të fitojmë”, ka thënë Biden, raporton “AP”.

Bideni e bëri deklaratën gjatë një takimi ku morën pjesë 24 guvernatorët demokratë, të cilët i dhanë mbështetje presidentit aktual.

Lexo më shumë Gjykata e Hagës rrëzon sërish kërkesën e kriminelit Mlladiç për lirim nga burgu për arsye shëndetësore

Zgjedhjet në SHBA mbahen më 5 nëntor.

Rruga Press