Berisha: Rama ktheu Tiranën në Beorgad të vogël. Së bashku me Vuçiç po përgatisin plane të kobshme ndaj Kosovës

Ish-Kryeministri dhe Kryetari i PD-së Sali Berisha është shprehur se Edi Rama e ka shndërruar Tiranën në Beogradin e vogël.

Berisha tha se refuzimi i rezolutës kundër gjenocidit serb në Srebrenicë ishte një barbari e dytë ndaj shqiptarëve në Kosovë.

Sipas tij Rama së bashku me presidentin serb Aleksandër Vuçiç, po përgatisin plane të kobshme ndaj shqiptarëve në Kosovë.

Berisha: Edi Rama, ku vasal i Vuçiç, ka shndërruar Tiranën, kryeqyettin e Shqipërisë, ne Beogradin e vogël.  Rama e Dodik kanë qëndrim identik për vrasjet, masakrat, krimit kundër njerëzimit që u kryen në Kosovë. Rezoluta që paraqitëm për të dënuar gjenocidin serb në Kosovë, u refuzua nga Rama, me pretekstin se ajo bie në kundërshtim me Ballkanin e Hapur, në të cilën Shqipëria është thjesht Beogradi i vogël. Në vitin ’45 Enver Hoxha, pasi me divizionet e tij, mundësoi vërshimin e hordhive serbe malazeze në Kosovë dhe e dorëzoi atë te Tito, akt të cilin e mbron edhe në vitin 1982 kur thotë mirë bën, Rama po thur me Vuçi, plane të kobshme për shqiptarët në Kosovë. Të refuzosh dënimin e gjenocidit serb në Kosovë në kuadrin e operacionit patkoit, do të thotë të masakrosh, të përdhunosh,  dhe të krijosh barbari  edhe njëherë ndaj shqiptarëve në Kosovë.

Rruga Press