Berat Buzhala për herë të parë në jetën e tij në protestë, jo për çështje, por për “larje hesapesh” personale

January 29, 2022 user 1

Analisti nga Prishtina, Berat Buzhala u pa sot në protestën e organizuar nga partia në tentativë, PSD, krah për krah me anëtarin e kësaj partie Dardan Molliqaj.

Protesta ishte thirrur si reagim ndaj rritjes së çmimit të energjisë elektrike në Kosovë, pa i konsideruar rrethanat e kësaj rritjeje të çmimit dhe pa marrë parasysh se këto rritje të çmimeve kanë tashmë karakter global, që lidhet edhe me krizën e furnizimit me gaz natyror, e poashtu edhe me krizën Rusi-Ukrainë.

Përtej gjithë kësaj, Berat Buzhalës dhe Dardan Molliqajt i duhet vetëm një arsye, sado e pabazë, që të dalin, jo që të kundërshtojnë ndonjë padrejtësi, por arsye për të dalë kundër kryeministrit të Kosovës, Albin Kurti.

Lexo më shumë Rama duke e ditur që as Lumiri e as Vjosa nuk janë në gjendje të ndërtojnë struktura politike të lidhura me popullin, ai do të bëhet arkitekti i platformës politike të bashkëqeverisjes së aspiruar PDK-LDK

Këta dy personazhe nuk janë mbartës dhe prirës të ndonjë çështjeje, por janë mbartës të inatit personal kundrejt kryeministrit Kurti.

Vlen të theksojmë se kjo ishte protesta e parë në jetën e Berat Buzhalës, pavarësisht se Kosova ka patur pafundësisht çështje madhore për të dalë në protestë, si privatizimet abuzive ndër vite, afera Pronto, Demarkacioni me Malin e Zi, Asociacioni i komunave serbe në Kosovë, etj të këtij lloji.

Më herët rreth kësaj u shpreh edhe aktivisti dhe gazetari Rron Gjinovci, i cili tha se kjo Buzhala, si PSD-ja, nuk ka konsistencë ideologjike dhe politike në bazë të së cilës është i orientuar, por ka vetëm çështje të hapur personale me Albin Kurtin.

Më poshtë statusi i tij i plotë në Facebook:

PSD as nuk osht opozitë, as nuk ka asni kontribut në ngritjen e çështjes së çmimit të energjisë. Përkundrazi është ka e rrezikon ni kauzë qytetare duke provu me shndërru në instrument të vetin për qerim hesapesh me Albinin. Pse Beratit i dokët PSD kaq legjendare? Sepse edhe Berati si PSD s’ka kauzë, konsistencë ideologjike e politike, por e ka një çështje tê hapun personale me Albin Kurtin. E çështja e çmimit të rrymës nuk zgjidhet me qerim hesapesh personale.