BE-ja dorëzon në Serbi e Kosovë “propozimin e fundit”

Bashkimi Evropian ka dorëzuar në Kosovë e Serbi versionin e fundit të propozimit më të ri në tavolinën e dialogut, ka konfirmuar përfaqësuesi i lartë i Bashkimit Evropian për politikë të jashtme dhe siguri, Josep Borrell.

Në Samitin e BE-së me shtetet e Ballkanit Perëndimor në Tiranë të martën, Borrelli ka konfirmuar se emisari i BE-së për dialogun Kosovë-Serbi, Miroslav Lajçak, ka dorëzuar “versionin e fundit të propozimit që është vendosur në tavolinë”.

Lajçaku ka dorëzuar këtë propozim të hënën në Serbi, e në Kosovë një ditë më pas. Vetë Lajçaku ka thënë se propozimi është version i ri i “dokumentit që e ka paraqitur në shtator”.

Lexo më shumë  Njësitë e azilit në Britani marrin urdhër të punojnë vetëm me shqiptarët për të përshpejtuar dëbimin

Propozimi i fundit që është diskutuar në dialogun Kosovë – Serbi është propozimi i njohur si “franko-gjerman”, për të cilin është thënë se është propozim i BE-së, i mbështetur nga dy shtetet. Kryeministri Albin Kurti pati deklaruar se ka pasur dakordim që për këtë propozim palët të arrijnë marrëveshje deri në mars të vitit të ardhshëm.

Megjithatë, Borrelli e Lajçaku kanë refuzuar të japin afate.

“Plani franko-gjerman” nuk parasheh njohje direkte, por i hap rrugë njohjes ndërkombëtare të Kosovës e Serbisë ia përshpejton rrugën drejt BE-së, sipas presidentit të Serbisë, Aleksandar Vuçiq.

Lexo më shumë  "Trashëgimia Escobar"/ Si kontributi i veçantë i z. Gabriel Escobar në rajonin tonë do të kujtohet ai për kthimin në potent të konflikteve latent?!

Rruga Press

YouTube player

Leave a Reply

Your email address will not be published. Required fields are marked *

AlbanianEnglishFrenchGermanItalianPortuguese