BE-ja anulon mbledhjen e Këshillit të Stabilizim-Asocimit/ “Partia e Abazoviqit pjesë me partitë që janë kundër pavarësisë së Malit të Zi”

Gazetari Ismet Kallaba ka bërë me dije se BE ka anuluar mbledhjen e Këshillit të stabilizim që do të diskutohej për asocimin BE-Mal i Zi.

Në një intervistë për Euroneës Albania ai tha se partia e  Dritan Abazoviqit nuk po ecën në drejtimin e integrimit evropian.

Ai tha ndër të tjera se kriza politike në Mal të Zi është shumë e thellë.

“Ndryshimet që  kanë ndodhur e kanë thelluar krizën në Mal të Zi dhe askush nuk mund të parashikojë se cila do të jetë zgjidhja. Kemi një krizë politike që nuk po i dihet fundi.  Politika e Lëvizjes qytetare Ura është një  lëvizje pro-evropiane e cila deklarohet qoftë për BE, por nga ana tjetër politika që ka ndjekur kjo forcë politike duke u bërë duke u bërë pjesë me partitë që janë kundër pavarësisë së Malit të Zi, sigurisht që flet për diçka tjetër.

Këto hapa tregojnë që partia e drejtuar nga Abazoviqi nuk po ecën në drejtimin e integrimeve evropiane. Ditën e sotme është anuluar dhe mbledhja e Këshillit  të stabilizimit që do të mblidhje për të diskutuar stabilizimin asocimit BE-Mal i Zi.

Kryesuesi i këtij Këshilli ka njoftuar se është anuluar dhe një nga arsyet kryesore është se shumica parlamentare nuk i ka marrë parasysh sugjerimet apo rekomandimet e Komisionit të Venecias”- tha ai.

Rruga Press