Bankat komerciale në Kosovë shënojnë rekord të të hyrave në vitin 2024

Të hyrat vjetore dhe fitimet e bankave komcerciale në Kosovë, kanë shënuar rekord në vitin 2024.

Sipas të dhënave të Bankës Qendrore të Kosovës, të hyrat e përgjithshme të bankave komerciale vitin e kaluar kanë shkuar në 503.3 milionë euro, përderisa fitimi neto ka qenë më i larti, përkatësisht 182.1 milionë euro.

Të hyrat e bankave janë siguruar nga kamatat në kredi, si dhe nga shërbimet bankare.

Gjatë vitit 2024, norma mesatare e interesit ka shkuar në 5.9 për qind, përderisa norma mesatare e interesit në depozita 3.4 për qind.

Në vendin tonë operojnë 11 banka komerciale.
Nga ato tetë kanë kapital të huaj, derisa tri janë vendore.

Sistemi bankar i Kosovës i ka reth 4 mijë 150 të punësuar.

Rruga Press