Banka Botërore e ka larguar Kosovën nga Lista e shteteve fragjile dhe në situatë konflikti

July 9, 2025 user 1

Ministri në detyrë i Financave Hekuran Murati ka thënë se Banka Botërore e ka larguar Kosovën nga Lista e shteteve fragjile dhe në situatë konflikti.

Ai ka thënë se pas më se 15 vjetësh si shtet anëtar në Bankën Botërore, këtë javë kanë pranuar njoftimin që Kosova është larguar nga kjo listë.

Lexo më shumë Trumpi rrit tarifat në 25% për makinat dhe kamionët e BE-së

Sipas tij ky ndryshim përbën avancim të jashtëzakonshëm dhe “i vulos arritjet tona si shtet duke dëshmuar stabilitet institucional dhe qëndrueshmëri ekonomike”.

“Ky lajm i mirë padyshim se do të ketë ndikim pozitiv në perceptimin ndërkombëtar karshi Republikës së Kosovës dhe e rritë besueshmërinë e investitorëve të huaj. Njëkohësisht, kjo dëshmon edhe për bashkëpunimin e shkëlqyer me Bankën Botërore, por edhe koordinimin jashtëzakonisht të mirë në mes të institucioneve vendore si MFPT dhe BQK”, ka shkruar Murati në Facebook.

Lexo më shumë Mehmeti pas shkuarjes në zgjedhje: Osmani nuk do t’i sjellë asgjë LDK-së

Rruga Press