Bota

Bandat kërcënojnë me luftë civile në Haiti, sulmojnë një aeroport për të ndaluar kthimin në vend të kryeministrit

Haiti është zhytur në kaos pasi mungesa e kryeministrit de facto Ariel Henri, i cili ndodhet jashtë vendit, ka ndezur një cikël të ri të përshkallëzimit të dhunës, me bandat që kërcënojnë luftën civile, gjenocidin dhe “ferrin për të gjithë” në vend.

Sipas BBC , ushtarët janë vendosur për të mbrojtur aeroportin e kryeqytetit Port-au-Prince nga sulmet e bandave. Sipas rrjetit britanik, të shtëna me armë zjarri u dëgjuan pranë aeroportit Toussaint Louverture ndërsa anëtarët e forcave të sigurisë u përleshën me persona të armatosur.

Lexo më shumë  OKB paralajmëron për “mizori” tjera në Mianmar

Bandat synojnë të parandalojnë kthimin e Henrit, i cili është larguar prej ditësh pasi dhuna në vendin e tij është përshkallëzuar në mënyrë dramatike që nga java e kaluar.

Henri zbarkoi dje në Porto Rico, njoftoi zëdhënësja e guvernatorit të këtij territori amerikan në Karaibe, duke sqaruar se nuk e di nëse ai është ende në ishull.

Departamenti i Shtetit kishte raportuar të hënën se Ariel Henri po kthehej nga Kenia, por, sipas informacioneve të Radio Tele Metronome të Haitit, ai nuk mundi të mbërrinte në Port-au-Prince për shkak të problemeve të sigurisë në aeroportin e kryeqytetit.

Lexo më shumë  Ukraina e zmbraps një sulm rus me dronë në Harkiv

Haiti, vendi më i varfër në hemisferën perëndimore, mbetet i zhytur në një krizë serioze politike, humanitare dhe të sigurisë, e përkeqësuar nga vrasja e presidentit Jovenel Moise në vitin 2021. Procesi politik është në një ngërç absolut.

Sipas OKB-së, më shumë se 8,400 njerëz u bënë viktima të bandave vitin e kaluar, ky numër përfshin vrasjet (gati 5,000), plagosjet dhe rrëmbimet. Viktimat u rritën “me 122% krahasuar me vitin 2022”.

Rruga Press

YouTube player