Arrestohen dy zyrtarë të ATK-së nga komuniteti serb – akuzohen për kontrabandë me barna

Policia e Kosovës sot ka arrestuar dy zyrtar të Administratës Tatimore të Kosovës. Sipas njoftimit nga ATK, të dy zyrtarët e arrestuar janë nga komuniteti serb, nën akuza të kontrabandës së barnave.

“Pas njoftimit zyrtar ATK-ja ka ndërmarr të gjitha veprimet konform kornizave ligjore, ku ka pezulluar dy të arrestuarit nga puna deri në vendimin përfundimtar të gjykatës.

Veprimet e tilla që dëmtojnë integritetin e Administratës Tatimore duhet të luftohen pa kompromis, duke siguruar drejtësi dhe përgjegjësi për të ruajtur besimin në institucionet qeveritare”, thuhet në njoftim.

ATK ka shprehur gatishmërinë për bashkëpunim me organet e rendit dhe drejtësisë, si për këtë rast, ashtu dhe për çdo rast tjetër të dyshuar.

Rruga Press