Arian Gashi zgjidhet kryesues i Këshillit Prokurorial të Kosovës

March 13, 2026 use3

Arian Gashi është zgjedhur kryesues i Këshillit Prokurorial të Kosovës.

Duke paraqitur prioritetet e tij, Gashi ka thënë se fillimisht do të angazhohet për rritjen e bashkëpunimit me anëtarët e Këshillit dhe me ushtruesin e detyrës së Kryeprokurorit të Shtetit. Sipas tij, rreziku për cenimin e parimeve themelore ka qenë i madh, prandaj në fokus të punës së tij do të jetë mbrojtja e këtyre parimeve dhe jo mbrojtja e interesave të grupeve të caktuara.

Lexo më shumë ShBA-ja bën thirrje në OKB për mbylljen e UNMIK-ut: S'ka arsye që Kosova të trajtohet më 2026 sikur të ishte në vitin 1999. Sot KFOR-i ndihmon që të ruhet siguria në rajon

Ai ka premtuar gjithashtu rritje të transparencës dhe hapje më të madhe ndaj mediave, duke thënë se Këshilli Prokurorial nuk duhet të “barrikadohet”, siç sipas tij ka ndodhur në të kaluarën.

Ai shtoi se gjatë mandatit të tij do të angazhohet që puna e KPK-së të udhëhiqet mbi bazën e garancive kushtetuese, me trajtim të barabartë dhe të paanshëm.

Lexo më shumë Kurti në Londër e njofton sekretaren britanike për kërcënimet nga Serbia me mbështetjen e Rusisë

Këshilli Prokurorial i Kosovës ka zgjedhur Dardan Vuniqin zëvendëskryesues të KPK-së.

Rruga Press