Anulohet vizita e Lavrov në Serbi, 3 vende ballkanike nuk lejojnë kalimin e tij në hapësirën ajrore
Është anuluar vizita e ministrit të Jashtëm rus Sergei Lavrov në Serbi, e cila ishte planifikuar për të hënën të martën e kësaj jave (6 dhe 7 qershor). Kështu ka deklaruar Ministria e Jashtme ruse, siç raporton TV rus Rossiya-1 në faqen e internetit.
Ky vendim erdhi pasi Bullgaria, Maqedonia e Veriut dhe Mali i Zi ndaluan transitin në hapësirën e tyre ajrore për fluturimin e ministrit të Jashtëm rus për në Beograd.
“Diplomacia jonë nuk e ka zotëruar ende aftësinë për të teletransportuar,” tha ministria.
Të dielën, kryeministrja serbe, Anna Brnabiq ka deklaruar se është e rëndësishme që në këtë kohë Serbinë ta vizitojë kryediplomati rus, por edhe kancelari gjerman, Olaf Scholz.
Ndërsa vetë presdienti Vuçiç kishte paralajmëruar vështirësi për vizitën e ministrit të jashtëm rus.
“Është e mundur që gjithçka të jetë mirë, dhe ka mundësi që të mos jetë”, deklaroi Vuçiç.
Rruga Press