Andi Bushati: Beleri shkeli lejen, duhet të dënohet me burg, por drejtësia është “shapkë” e Edi Ramës

July 19, 2024 User2

Andi Bushati thotë se i gjithë procesi Beleri ka qenë një proces i manipuluar dhe dirigjuar nga Edi Rama.

I ftuar në emisionin “Të Paekspozuarit” në MCN TV, Bushati tha se Beleri ka shkelur lejen që i dha Drejtoria e Burgjeve dhe se duhet të dënohet me pesë vite burg, por drejtësia nuk do të bëjë asgjë, pasi tani nuk i intereson më Edi Ramës.

“Ne nuk kemi SPAK, kemi mashë të Edi Ramës. Që në ditën që u bë presioni i parë nga Greqia, çfarë intervistash ka dhënë Rama për mediat greke? Çështja Beleri nuk ështrë çështja ime por është e drejtësisë. Çfarë u bë me lejen që nuk u dha për tu betuar por për parlamentin europian? Drejtësia i ngriti topin Ramës.

Lexo më shumë Prokuroria merr kamerat e Bankës së Shqipërisë për të gjetur policin që qëlloi Erjon Vishkullin, po hetohet edhe rreth dyshimeve për përdorimin joproporcional të forcës nga disa punonjës së policisë së shtetit ndaj protestusve

Sa kohë ishte i padënuar nuk merrte leje. Tani që e ka në dorë administrata, vërtetohet kjo alibi e Ramës që çështja Beleri nuk është çështja ime. Ai ka shkelur lejen dhe duhet të dënohet pesë vite të tjera.

A do të ketë drejtësia të njëjtin zell tani? Jo! Sepse këta janë shapkat e grisura të Edi Ramës. Kemi bërë një SPAK që të shërbejë si vegël e autokratit.

Lexo më shumë Gazeta e njohur EL MUNDO: Shanset që samiti i NATO-s të mbahet në Tiranë janë thuajse zero

Gjithë procesi i manipuluar tregoi që drejtësia është masha e Edi Ramës. Është farsë e dirigjuar nga larë”, tha Bushati.

Rruga Press