Analiza: Vuçiqi po rrezikon për herë të parë pushtetin, i pari do bjerë Beogradi

Gazeta Politico, shkruan se në zgjedhjet e 17 dhjetorit në Serbi, opozita e bashkuar po kërcënon seriozisht qeverisjen dhjetëvjeçare të Aleksandër Vuçiç.

Serbët nuk janë të kënaqur me çmendurinë e përgjithshme në televizion, përhapjen e frikës, kontrollin e gjithçkaje dhe korrupsionin që po e përpinë Serbinë, shkruan Politico.

Artikulli godet qeverisjen e Vuçiçit, por dhe neglizhencën e Perëndimit ndaj tij.

“Serbia po bëhet sërish një nga problemet e mëdha evropiane, edhe pse kreu i Serbisë e prezanton veten si zgjidhja dhe shpresa e vetme për paqen. Dhe pikërisht e kundërta – ai gënjen, shpif, përmbys. Dhe tani diplomatët evropianë po merren me të, por ndoshta është shumë vonë.

Në thelb, Vuçiçi është aktualisht armiku më i madh i Serbisë dhe i rajonit, sipas analistëve nga Ballkani në deklaratat e fundit për media të ndryshme vendase dhe të huaja”, shkruan Politico.

Politico vazhdon – Publiku është i indinjuar nga dy masakra në maj, ku u vranë 19 persona dhe kjo është reflektuar dhe në sondazhe.

“Serbia kundër dhunës tani ka rreth 40 për qind, ndërsa koalicioni i Vuçiçit ka rreth 49 për qind të mbështetjes. Kështu thonë vëzhgues të pavarur të zgjedhjeve.”

Ndërsa kjo do të thotë se aleatët e Vuçiqit janë ende në rrugën e fitores, por ata mund të pësojnë dëme të konsiderueshme.

Vuçiçi po bën luftë nëpër tabloidë, sulmon disidentët, ngre afera, gënjen, shpif… Gjithçka vetëm për të mbajtur SNS-në e tij në pushtet.

Por është shumë domethënëse që funksioni i rëndësishëm i kryetarit të Beogradit është krejtësisht i pasigurt dhe agjenci të shumta të sondazheve të opinionit publik parashikojnë triumfin e opozitës në kryeqytet.

Një fitore në Beograd do të kishte më shumë se një kuptim simbolik. Domethënë, opozita e siguroi pjesën më të madhe të mbështetjes gjatë protestës së aktivistëve kundër ndërtimeve pa leje dhe duke dënuar projektet madhështore që iu shpërndanë miqve të Vuçiqit në kryeqytetin serb”,  sipas Politico.

Edhe pse ai vetë nuk është kandidat në këto zgjedhje – vitin e kaluar ai siguroi mandatin e dytë presidencial – Vuçiçi është gjithmonë diku në prapavijë dhe zhvillon fushata për Partinë Progresive Serbe (SNS), dhe lista e saj zgjedhore që mban emrin e tij.

Freedom House e klasifikoi Serbinë si një vend “pjesërisht të lirë” me një renditje të ulët për sa i përket lirive civile dhe të drejtave politike.Raporti theksoi vështirësitë që aktorët e pavarur të depërtojnë në qeveri dhe sferën publike. Sipas analistit serb Majstoroviç, opozita po përballet me një situatë të ngjashme me atë menjëherë pas luftërave jugosllave, kur përmbysja e të fuqishmit Sllobodan Millosheviç e la vendin në rrëmujë dhe Perëndimi ishte shumë i etur për rezultate të shpejta, përfundon artikulli i Politico.

Rruga Press