Ambasadori gjerman dënon ashpër incidentet në veri: Zero tolerancë për dhunën
Ambasadori i Gjermanisë në Kosovë, Jorn Rohde, ka thënë se janë shumë shqetësuese ngjarjet e fundit në veri, ku ka pasur hedhje të shok-bombave e po ashtu të shtëna të martën, në momentin kur zyrtarët e KQZ-së kishin tentuar të futeshin në zyrat e komisioneve zgjedhore komunale.
Madje nga veriu u këshilluan të largoheshin gazetarët, pasi situata ishte vlerësuar e pasigurt.
“Shumë shqetësuese vërtetë. Dhuna e djeshme kundër zyrave komunale zgjedhore është e papranueshme. Mirë që Policia e Kosovës në koordinim me EULEX-in dhe KFOR-in është prezentë. Përkrahje të plotë për protestat paqësore, por zero tolerancë për dhunën”, shkroi Rohde në Twitter.
Very concerning indeed. Yesterday's violence against municipal election offices are unacceptable. Good that KP in coordination with EULEX and KFOR is present. Full support for peaceful demonstrations but zero tolerance for violence. https://t.co/cYmwS19kuK
— Ambassador Jörn Rohde (@GermanAmbKOS) December 7, 2022
Rruga Press