Aksioni i policisë në veri, mbyllen 20 rrugë ilegale në kufirin me Serbinë

Policia e Kosovës është duke vazhduar operacionin policor në veri të vendit.

Deri tani, policia ka mbyllur rreth 20 rrugë ilegale që kanë qenë me Serbinë.

Kështu ka konfirmuar, zëdhënësi i Policisë së Kosovës, Veton Elshani.

“Kemi mbyllur rreth 20 rrugë ilegale me shtetin serb”, tha ai duke shtuar se bllokimin e kanë bërë me beton, gurë e gjëra tjera.

Policia ka nisur aksionin mëngjesin e sotëm, ndërsa ditë më parë ka sekuestruar edhe sasi të madhe të armatimit në veri, i cili ndërlidhet me sulmin në Banjskë të Zveçanit.

Policia e Kosovës u sulmua nga një grup terroristësh më 24 shtator në Banjskë të Zveçanit, ku u vra polici Afrimi Bunjaku.

Pas sulmit ndaj Policisë, rreth 30 serbë, të armatosur rëndë dhe të maskuar u fshehën në manastirin në Banjskë për disa orë, atyre iu kërkua nga Policia e Kosovës që të dorëzoheshin, por ata refuzuan të bëjnë një veprim të tillë ku edhe vazhduan sulmet me armë ndaj policisë, nga gjuajtjet me armë mbetën të vrarë tre sulmues.

Rruga Press