Lajme

Akademiku paralajmëron se UNESCO mund t’i heqë Gjirokastrës statusin e trashëgimisë botërore

“Ndërtimi i bypassit të Gjirokastrës duhet të ndalojë deri sa një mision monitorues nga UNESCO të vijë për të verifikuar gjendjen në qytetin muze.

Karakteristikat urbanistike që janë unike për Gjirokastrën e shpallën atë trashëgimi botërore, por nëse do të ketë një ndryshime në zonën muzeale kjo mund t’i heqë statusin”.

Akademiku Emin Riza, i cili ka hartuar dosjen e qytetit për në UNESCO mbetet kundër çdo ndërhyrjeje që bëhet pa marrë parasysh rekomandimet e UNESCO-s.

Lexo më shumë  Haxhiu prezanton projektplanin për agjendën parlamentare për çështje të grave dhe barazi gjinore

“Duhet të kuptojnë se kanë të bëjnë me një qytet që është pasuri botërore dhe si e tillë, edhe një gozhdë kur të futet duhet të mendohet mirë”, shprehet akademiku Riza.

Por jo vetëm kaq, studiuesi dhe restauratori që i ka kushtuar jetën monumenteve kulturore, pohon se jo vetëm bypassi, por edhe çdo ndërhyrje e vogël e paplanifikuar dhe e hartuar dëmton atë që prej shumë vitesh është ruajtur me kujdes.

“E ashtuquajtura ‘është e nevojshme’ duhet të lidhet me pyetjen ‘a i cenon vlerat e qytetit muze’? Nëse i cenon, ajo nuk është e nevojshme”, shprehet akademiku.

Lexo më shumë  Kurti i bën thirrje Zelenskyt ta njohë Kosovën: Do të demaskohej bllofi i Putinit

Bypassi i Gjirokastrës u paraqit në vitin 2016 nga qeveria si një projekt që synonte devijimin e qarkullimit të automjeteve nga zona muzeale, ndërsa që atëherë UNESCO kërkoi rishikimin e tij. Por një ditë me parë, ministrja e Kulturës Elva Margariti u shpreh se çdo proces po bëhet me konsultimet e duhura./euronws/

Rruga Press

YouTube player

Leave a Reply

Your email address will not be published. Required fields are marked *