A janë penduar britanikët? Ja çfarë thonë sondazhet për Brexit-in
Analizat e më shumë se 200 sondazheve kanë zbuluar se britanikët tani janë kthyer kundër Brexitit – me një hendek prej dhjetë pikësh midis atyre që besonin se ishte e drejtë të votohej dhe atyre që besojnë se ishte gabim.
Një studim i Evening Standard ka treguar se një mesatare prej pak më pak se 49 përqind e të rriturve tani besojnë se votimi për t’u larguar nga Bashkimi Evropian ishte gjëja e gabuar për t’u bërë, krahasuar me pak më shumë se 38 përqind që ende thonë se ishte vendimi i duhur.
Hendeku mesatar vjetor midis atyre që besojnë se ishte “e gabuar” të votohej për largimin në krahasim me “të drejtën” është rritur në numra dyshifrorë për herë të parë në 2022-in, me 10.6 pikë në përqindje.
Ky është pothuajse dyfishi i hendekut prej 5.5 pikësh në përqindje, të vitit të kaluar, dhe shumë më i lartë se 6.4 pikët e vitin 2020 dhe pak më pak se shtatë pikë në 2019, sipas analizës së 211 sondazheve, të cilët pyesnin nëse në retrospektivë njerëzit mendonin se Britania kishte të drejtë apo ishte gabim kur votoi për daljen nga BE-ja.
©Rruga Press