A është e mundur që Ukraina të jetë në gjendje ta ‘fitojë’ luftën ushtarakisht?

Në dritën e kundërsulmeve të fundit që ka ndërmarrë Ukraina dhe duke supozuar se bisedimet diplomatike midis Ukrainës dhe Rusisë dështojnë, a është e mundur që Ukraina të jetë në gjendje ta “fitojë” këtë luftë ushtarakisht?

Përgjigjet Orla Guerin, korrespondente e BBC-së në Kiev

Në aspektin ushtarak, për çfarë ka ndodhur deri tani, është rast shumë i mirë për Ukrainën. Vendi ka befasuar Presidentin Putin dhe botën, duke rritur rezistencën e aftë dhe këmbëngulëse kundër një ushtrie më të madhe dhe më të pajisur.

Po kështu, forcat ruse kanë befasuar botën duke qenë të çorganizuar dhe të paaftë. Ne pamë një shembull të suksesit të Ukrainës në betejë në një pozicion të vijës së parë jashtë Kievit javën e kaluar. Forcat ukrainase na thanë se rusët ishin përpjekur të depërtonin katër herë gjatë muajit të kaluar dhe çdo herë ishin penguar.

Provat ishin aty, në formën e rreth gjysmë duzinë tankesh ruse dhe transportuesish të blinduar të personelit të gjithë të djegur. Pushtimi i Rusisë është tani në javën e tij të gjashtë dhe ka dështuar në frontet kryesore – rusët nuk kanë arritur të hyjnë në kryeqytet, të rrëzojnë qeverinë ose të marrin ndonjë qytet të madh – përveç Khersonit – në jug.

Rusia ka shkatërruar më shumë sesa ka kapur. Ky është një përfitim i vockël në një pushtim të kushtueshëm. Thënë kështu, është shumë herët për të parashikuar rezultatin.

Mund të jemi në fillimin e një lufte të gjatë. Rusia thotë se do të fokusohet tani në rajonin e Donbasit në Ukrainën lindore. Mund të ketë pak zgjedhje, pasi nuk ka arritur të fitojë diku tjetër. Por në të ardhmen, ajo mund të rifillojë përpjekjet për të kapur më shumë territor diku tjetër.

Fati i Presidentit Putin është ndoshta i lidhur me suksesin ose dështimin e pushtimit. Ai mund të vazhdojë të dislokojë trupa, forca të blinduara dhe armë të rënda për një afat më të gjatë.

Rruga Press