A ban, na, as mos me u prishë, as mos me u nënshtru?

Shkëputur nga fjala e Shkëlzen Gashit në emisionin “Pressing”, 16 mars 2023:

“Ma së pari e kqyr: a ke të drejtë a jo për me u çu e me lypë Kosovën shtet të pavarun e sovran, edhe me lypë çlirimin e Kosovës prej Serbisë. Ke pasë të drejtë. Qekjo asht e para dhe shumë e randësishme.

E dyta, mandej, vjen: a je i gatshëm me sakrifiku për me realizu atë të drejtë apo jo. Edhe me sakrifiku atë që asht ma e shtrejta e që asht jeta. Nëse nuk je, atëherë asht normale që nuk ke me e ba.

Janë dy rryma: bazohesh në faktorin mbrendshëm apo në faktorin e jashtëm.

Unë i takoj rrymës se faktori i mbrendshëm asht shumë ma i randësishëm, sesa i jashtmi. I jashtmi e ndihmon të mbrendshmin.

Rryma tjetër thotë faktori i jashtëm asht i randësishëm.

Faktori i mbrendshëm nuk vlen kurrgja. Çka të thonë ata, na bajmë.

Unë i takoj kësaj rryme që i mbrendshmi asht i randësishëm. Kur ka vullnet, ka mundësi. Ata kur e shohin që ti je i vendosun për me realizu këtë send, edhe je i gatshëm edhe me vdekë për këtë… qeshtu u ba edhe liria e Kosovës. Liria që e kemi fitu ’99-n.

Me pasë nisë me ba analiza ata që e kanë nisë, 20-30 veta, m’ia kthy pushkën Serbisë, m’ia pasë nisë me ba analizë të raportit të forcave, – ata 100 mijë trupa, na 100 veta – s’e kishin nisë luftën kurrë. Por, për fat të mirë, nuk e kanë pasë këtë mendësi. Se, me e pasë pasë këtë mendësi, nuk e kishin nisë luftën kurrë.

Masandej, qysh e kapin këta: nëse je kundër faktorit ndërkombëtar, automatikisht je për prishje. Dmth. në ekstremin tjetër. Nuk ka diçka në mes. A ban, na, as mos me u prishë, as mos me u nënshtru? Unë mendoj se egziston qekjo.”

Rruga Press