Kryeministrja e parë grua në Suedi rikthehet pasi dha dorëheqjen
Kryeministrja e parë grua e Suedisë është riemëruar në postin e lartë pasi trazirat politike e detyruan atë të jepte dorëheqjen brenda disa orësh nga marrja e postit javën e kaluar.
Deputetët mbështetën udhëheqësen e Partisë Social Demokrate Magdalena Andersson me një diferencë të ngushtë në një votim të ri të hënën.
Ajo do të përpiqet të udhëheqë një qeveri njëpartiake deri në zgjedhjet në shtator të vitit të ardhshëm.
Ajo u largua nga posti i kryeministres të enjten e kaluar pasi koalicioni i saj u prish.
Vetëm disa orë më parë, Andersson ishte zgjedhur si kryeministrja e parë grua e Suedisë me një votë më shumë në parlament.
Por plani i ekonomistes 54-vjeçare për formimin e një qeverie të re koalicioni me Partinë e Gjelbër u prish kur propozimi i saj buxhetor nuk u miratua.
Rruga Press