Ushtarët bjellorusë shtien me armë për të frikësuar grupin e emigrantëve, madje u filmuan duke i shqelmuar e grushtuar

November 10, 2021 user 1

Ky është momenti kur trupat bjelloruse shtien me armë në afërsi të një grupi emigrantësh të frikësuar përgjatë vijës kufitare me Poloninë, ku pak orë më herët refugjatët kishin tentuar të kalojnë rrethojën me tela gjembor për t’ia mësyrë vendeve të BE-së.

Videoja e filmuar nga rojet polake, shfaq turmën përfshirë gra e fëmijë të rreshtuar përgjatë rrethojës mbrojtëse në territorin e Bjellorusisë, ku duke tentuar t’i frikësojnë – ushtarët shkrepin disa plumba nga pushkët e tyre automatike.

Lexo më shumë Mediat proqeveritare publikuan ditë më parë të dhënave personale të gazetarëve, BE-ja i bën thirrje Serbisë të garantojë lirinë e shprehjes dhe medias

E sikur kjo të mos mjaftonte ku dëgjoheshin fëmijët e gratë duke bërtitur, dy ushtarë shihen duke i grushtuar e shqelmuar emigrantët – e një tjetër gjunjëzohet dhe ua drejton armën, transmeton Telegrafi.

Pamjet u publikuan nga polakët si kundërpërgjigje për të hedhur poshtë pretendimet e Bjellorusisë, se ushtarët polakë ishin ata që shtien me armë, pasi Minsku zyrtar po tenton të diskreditoj fqinjët në Varshavë, si pjesë e një “sulmi hibrid” mbi BE-në duke i përdorur emigrantët si armë.