Mjekët në SHBA: Vaksina e Covid-19 te fëmijët nuk shkakton sterilitet

Frika se vaksina  mund të ndikojë në fertilitet është një nga shqetësimet kryesore të prindërve rreth vaksinimit të fëmijëve kundër Covid-19.

Një sondazh i publikuar nga Fondacioni “Kaiser Family” javën e kaluar zbuloi se 66% e prindërve të fëmijëve 5 deri në 11 vjeç kanë frikë  se vaksinat mund të ndikojnë negativisht në fertilitetin e fëmijëve më vonë.

Për këtë mjekët dhe zyrtarët e shëndetit publik janë  bashkuar për t’u siguruar prindërve se ky mendim  nuk përbën shqetësim, shkruan CNN.

“Pretendimet e pabaza që lidhin vaksinat e COVID-19 me infertilitetin janë hedhur poshtë shkencërisht,” thotë Akademia Amerikane e Pediatrisë, në një deklaratë online.

“Nuk ka asnjë provë që vaksina mund të çojë në humbje të fertilitetit. Ndërsa fertiliteti nuk është studiuar në mënyrë specifike në provat klinike të vaksinës, asnjë humbje e fertilitetit nuk është raportuar në mesin e pjesëmarrësve të provës ose midis miliona që janë vaksinuar. Nuk ka asnjë provë që vakina Covid-19 të ndikojë në pubertet”, thuhet në deklaratën e Akademisë.

Kolegji Amerikan i Obstetërve dhe Gjinekologëve, i cili përfaqëson mjekët që trajtojnë gratë shtatzëna, lindin foshnja, trajtojnë infertilitetin dhe ndihmojnë gratë të përgatiten për shtatzëni, në mënyrë të ngjashme inkurajon gratë që të vaksinohen kundër Covid-19. “Organizatat kryesore mjekësore kanë pohuar në mënyrë të përsëritur se vaksinat e COVID-19 nuk kanë asnjë ndikim në fertilitet,” thotë ai.

E njëjta gjë është vlen edhe për fertilitetin mashkullor, thotë Qendra e SHBA për Kontrollin dhe Parandalimin e Sëmundjeve.

Nga kjo javë pritet të nisë shpërndarja e vaksinave për fëmijët 5 deri në 11 vjeç në SHBA.

Administrata Amerikane e Ushqimit dhe Barnave lëshoi ​​autorizimin e përdorimit urgjent për vaksinën e Pfizer në këtë grupmoshë më të re të premten e kaluar.

Rruga Press