Komisionet e vendimmarrjes vs Komisionet e sherreve

Një tjetër komision që ndërpritet në mes për shkak të zënkave mes deputetëve të opozitës dhe ministres së Financave dhe Ekonomisë, Delina Ibrahimaj.

Kryesisht debatet nëpër komisionet e ndryshme, qoftë arsimit, ekonomisë, turizmit etj, fillojnë kur dikush nga opozita bën një pyetje, kryesisht provokuese dhe ofenduese. Me arrogancë dhe paturpësi ministrat dhe deputetët e pozitës i kalojnë në ofendime personale, shpesh herë edhe me fjalë të pista ose tregim të forcës fizike.

Në parlament pjesa më e madhe e deputetëve janë fantazma, ndërsa pjesa tjetër e “debatit” po ashtu është ofendim.

Të harruarit e pozicionit si përfaqësim sa vjen dhe përshkallëzohet. Normaliteti me të cilin edhe populli e përcjellë këtë distancim dhe gjithsesi vazhdon të votojë po njëlloj është po aq shqetësuese.

Sot komisioni për finanaca dhe ekonominë u mbyll nga kryetari Eduart Shalsi, askush nuk mori vesh asgjë se si do ndahet buxheti për vitin 2022. Përsëri popullin shqiptar e trajtuan sikur nuk ekziston dhe populli shqiptar vazhdoi të shohë vetëm muret e shtëpisë së tij.

© Rruga Press