Pandora Papers: Të dhënat e kompanive ofshore zbulojnë pasuritë sekrete të pushtetarëve
Pasuria dhe marrëveshjet e fshehta të udhëheqësve botërorë, politikanëve dhe miliarderëve janë ekspozuar në një nga rrjedhjet më të mëdha të dokumenteve financiare.
Rreth 35 udhëheqës të tanishëm dhe të mëparshëm dhe më shumë se 300 zyrtarë publikë janë paraqitur në dosjet e kompanive ofshore, të quajtura Pandora Papers.
Ato zbulojnë se Mbreti i Jordanit bleu fshehurazi prona në Mbretërinë e Bashkuar dhe SHBA me vlerë 70 milionë paund.
Ato gjithashtu tregojnë se si ish-kryeministri britanik Tony Blair dhe gruaja e tij kursyen 312,000 £ në tarifa taksash kur blenë një zyrë në Londër.
Dokumentet gjithashtu lidhin Presidentin rus Vladimir Putin me asete sekrete në Monako, dhe tregon se kryeministri çek Andrej Babis nuk ka deklaruar një kompani investimesh ofshore për të blerë dy vila për 12 milion paund në jug të Francës.
Shqyrtimi i dosjeve është më i madhi i organizuar nga Konsorciumi Ndërkombëtar i Gazetarëve Hulumtues (ICIJ), nga shumë se 650 reporterë.
Një nga zbulimet më të mëdha është se si njerëz të shquar dhe të pasur kanë krijuar ligjërisht kompani për të blerë fshehurazi prona në Mbretërinë e Bashkuar, raporton BBC.
Investigimi zbuloi se Presidenti i Azerbajxhanit Ilham Aliyev, familja e tij dhe bashkëpunëtorët e tyre të ngushtë ishin përfshirë në marrëveshje pronash në Mbretërinë e Bashkuar me vlerë më shumë se 400 milionë paund.
Dokumentet financiare të rrjedhura tregojnë se si Mbreti i Jordanisë grumbulloi fshehurazi një perandori pronash në Mbretërinë e Bashkuar dhe SHBA me vlerë më shumë se 70 milion paund.
Ata identifikojnë një rrjet kompanish ofshore në Ishujt e Virgjër Britanikë dhe parajsa të tjera fiskale të përdorura nga Abdullah II bin Al-Hussein për të blerë 15 shtëpi që kur ai mori pushtetin në 1999.
Mbreti Abdullah akuzohet për kryesimin e një regjimi autoritar.
Presidenti i Kenias Uhuru Kenyatta dhe gjashtë anëtarë të familjes së tij zotëronin fshehurazi një rrjet kompanish ofshore. Ato kanë qenë të lidhura me 11 firma – njëra prej të cilave u vlerësua si pasuri prej 30 milion dollarësh
Anëtarët e rrethit të brendshëm të kryeministrit pakistanez Imran Khan, përfshirë ministrat e kabinetit dhe familjet e tyre, posedojnë fshehurazi kompani dhe truste që mbajnë miliona dollarë
Firma juridike e themeluar nga Presidenti Nicos Anastasiades i Qipros duket se ka fshehur pronarin e vërtetë të një sërë kompanish ofshore – një ish-politikan rus i cili ishte akuzuar për përvetësim.
Presidenti i Ukrainës Volodymyr Zelensky transferoi aksionet e tij në një kompani sekrete ofshore pak para se të fitonte zgjedhjet e vitit 2019
Nuk ka asnjë sugjerim në Pandora Papers që Tony Blair dhe gruaja e tij po fshehin pasurinë e tyre.
Por dokumentet tregojnë se kur çifti bleu një pronë prej 6.45 milionë paundësh nuk pagoi një tarifë tatimore e quajtur tarifa e pullës.
Ish-kryeministri dhe gruaja e tij blenë një ndërtesë në qendër të Londrës, në korrik 2017 duke blerë kompaninë ofshore që e zotëronte atë.
Në MB eshtë e ligjshme të blihen prona në këtë mënyrë dhe tarifa e pullës në këto raste nuk duhet të paguhet – por Blair më parë ka qenë kritik ndaj shmangeis së taksave përmes këtyre skemave.
Dokumente të tjera tregojnë se si familja e presidentit të Azerbajxhanit ka blerë fshehurazi prona në Mbretërinë e Bashkuar duke përdorur kompani ofshore.
Dosjet tregojnë se si familja – e akuzuar prej kohësh për korrupsion – bleu 17 prona, duke përfshirë një zyrë prej 33 milionë paundësh në Londër për djalin 11 -vjeçar të presidentit Aliyev.