Ish-ushtari serb i Bosnjës arrestohet nën akuzën për përdhunim gjatë luftës
Policia arrestoi ish-ushtarin e Ushtrisë Serbe të Bosnjës Radovan Veljoviç me akuzën e kryerjes së përdhunimit dhe abuzimit seksual gjatë luftës në 1992 në zonën e Focës të Bosnjës dhe Hercegovinës.
Oficerët nga Agjencia Shtetërore Për Investigim dhe Mbrojtje arrestuan Radovan Veljoviç të mërkurën në zonën e Focës në Bosnjën dhe Hercegovinën juglindore.
“I dyshuari është nën hetim nga Prokuroria e Bosnjës dhe Hercegovinës dhe akuzohet se ka kryer veprën penale të krimeve kundër njerëzimit në zonën e Focës në 1992 si anëtar i Ushtrisë së Republikës Srpska”, tha prokuroria shtetërore në një deklaratë.
Deklarata tha se aktakuza e akuzon Veljoviçin për kryerjen e përdhunimit dhe abuzimit seksual.
I dyshuari i është dorëzuar prokurorisë për ta marrë në pyetje. Kjo e fundit më pas do të marrë një vendim se çfarë veprimesh të mëtejshme do të ndërmerren në këtë rast./balkan/