Basha: Wizz Air hap bazën e dytë në Prishtinë, shtohen pesë linja të reja drejt Evropës

September 15, 2026 User2

Kompania ajrore ka hapur sot bazën e dytë në Aeroportin Ndërkombëtar të Prishtinës “Adem Jashari”, më pak se dy muaj pas hapjes së bazës së parë.

Lajmin e ka bërë të ditur ministri i Infrastrukturës dhe Transportit, Dimal Basha, i cili tha se krahas zgjerimit të operimit, nga Prishtina do të shtohen edhe pesë linja të reja drejt qyteteve evropiane.

Lexo më shumë Haxhiu pas dënimit të Thaçit, Veselit, Krasniqit e Selimit: “Goditje e rëndë për Kosovën, fjala e fundit juridike nuk është thënë

Sipas Bashës, linjat e reja do të jenë drejt:

Frankfurtit

Berlinit

Hamburgut

Malmö-s

Triestes

Ministri tha se këto linja krijojnë mundësi të reja udhëtimi për qytetarët dhe kontribuojnë në zhvillimin e turizmit, biznesit dhe ekonomisë.

“Zgjerimi i Wizz Air me këto ritme tek ne është sinjal i besimit të investitorëve të huaj në vendin tonë, në potencialin e tregut që ofrojmë”, tha Basha.

Lexo më shumë I riu u shoqërua nga policia se po protestonte: Një pjesë e mirë e policisë është me ne, janë kundër qeverisë

Ai shtoi se Ministria e Infrastrukturës dhe Transportit do të vazhdojë bashkëpunimin me institucionet dhe akterët relevantë për rritjen e lidhjeve ajrore të Kosovës me Evropën dhe krijimin e kushteve më të volitshme të udhëtimit për qytetarët.

Rruga Press