Dronët rusë godasin anijen gjermane me mallra në Detin e Zi, dëmtohen sistemet teknike

Një sulm me dron rus thuhet se shënjestroi një anije gjermane me mallra “EMIL” të mërkurën, siç raportohet nga gazeta e përditshme gjermane Bild. Thuhet se anija e mallrave është goditur disa herë nga dronët.

Ndërkohë, është raportuar se ka shpërthyer një zjarr dhe disa sisteme teknike kanë dështuar së fuksionuari, duke e lënë anijen të paaftë për të manovruar.

Teksa anëtarët e ekuipazhit po transportoheshin në vend të sigurt, thuhet se anija e mallrave u sulmua përsëri. Thuhet se në bord kishte 11 persona, asnjëri prej të cilëve shtetas gjerman. Nuk është raportuar për të lënduar.

Raportohet se “EMIL” është goditur në Detin e Zi, rreth 21 milje detare nga qyteti portual ukrainas i Odesës. Anija aktualisht lundron nën flamurin e Liberisë dhe është në pronësi të kompanisë gjermane të transportit detar Johann MK Blumenthal GmbH & Co. KG, me seli në Hamburg-Altona.

Ministria e mbrojtjes e Rusisë ka konfirmuar sulmet në Telegram. Ajo tha se dronët sulmues goditën dy anije mallrash mbrëmë në Detin e Zi, në jug dhe në lindje të Odesës, të cilat, sipas pretendimeve ruse, po transportonin mallra ushtarake.

Anija e dytë thuhet se është transportuesi i drithërave “Mera Queen”, e cila lundron nën flamurin e Guinea-Bissau, raportoi Bild. Një anëtar i ekuipazhit thuhet se u vra në atë sulm.

Rruga Press