Mosgjetja e 6000 të zhdukurve të regjimit komunist/ OSBE në Shqipëri: Shkelje e rëndë e të drejtave të njeriut

Prezenca e OSBE -së në Shqipëri, mosgjetjen e vendndodhjes së më shumë se 6000 të zhdukurve nga regjimi pas përfundimit të komunizmit e konsideron një “shkelje të rëndë të të drejtave të njeriut”.

Ata thanë se të mos dish se çfarë ndodhi me anëtarët e familjes ose ku janë eshtrat e tyre, “prek thellësisht dhe pareshtur familjet e të zhdukurve që dëshirojnë një varr për të vajtuar të dashurit e tyre”.

Ata i bënë komentet në një deklaratë të publikuar në Facebook për të përkujtuar Ditën Ndërkombëtare të Viktimave të Zhdukjeve me Dhunë.

OSBE deklaroi se këta njerëz të zhdukur dhe rastet e pazgjidhura janë një “plagë e dhimbshme dhe e pashlyeshme për shoqërinë shqiptare “.

Aty vazhdohet duke thënë se OSBE-ja do të qëndrojë përkrah autoriteteve shqiptare në përpjekjet e tyre për të identifikuar dhe nxjerrë trupat e atyre që janë ende të zhdukur.

Autoritetet shqiptare nuk duket se janë në kërkim aktiv të ndonjërit prej të zhdukurve nga regjimi komunist enverist.

Disa familje kanë thënë se përpjekjet e tyre për të ngritur çështje me prokurorët janë ndalur, ndërsa Komisioni Ndërkombëtar për Personat e Zhdukur tha se ata kanë një numër çështjesh në pritje për gati tre vjet.

Rruga Press