Demokratët Evropianë mbështesin protestën qytetare në Tiranë: As Rama dhe as Berisha nuk po japin përgjigje serioze

Organizata e Demokratëve Evropianë ka reaguar sërish në mbështetje të protestës qytetare që po zhvillohet në Tiranë prej më shumë se dy muajsh.

Në një mesazh të shpërndarë në rrjetet sociale, organizata vlerëson qëndresën e qytetarëve, të cilët sipas tyre po kërkojnë institucione të pastra, mbrojtjen e vijës bregdetare dhe llogaridhënie nga klasa politike.

Demokratët Europianë theksojnë se as qeveria e kryeministrit Edi Rama dhe as opozita e drejtuar nga Sali Berisha nuk u kanë dhënë protestuesve një përgjigje bindëse.

Postimi i plotë:

“Këtë fundjavë, bulevardi i #Tiranës u mbush përsëri — dita e 64-t radhazi e protestës. Nxehtësia e verës, pushimet, lodhja: asgjë nga këto nuk i ka holluar turmat. Shqiptarët po kërkojnë institucione të pastra, vijë bregdetare të mbrojtur dhe një klasë politike që përgjigjet për zgjedhjet e saj. As qeveria e Edi #Ramës dhe as opozita e Sali #Berishës nuk u kanë dhënë atyre një përgjigje serioze, dhe pikërisht ky boshllëk është arsyeja pse lëvizja vazhdon të rritet. Ky është guximi qytetar që Europa e njeh. Ne qëndrojmë me ta”, shkruajnë demokratët”.

Rruga Press