Regjimi i Lukashenkas mbyll Shoqatën bjelloruse të Gazetarëve, vjen reagimi i OSBE-së

Regjimi i presidentit bjellorus Aleksandar Lukashenko po vazhdon t’i hakmerret medieve të pavarura në vend.

Ku mes shkeljeve të vazhdueshme të së drejtës për lirinë e shprehjes dhe lirisë së medias në Bjellorusi, përfaqësuesja e Organizatës për Siguri dhe Bashkëpunim Evropian (OSBE) për Lirinë e Medias, Teresa Ribeiro ka shprehur keqardhje për vendimin e autoriteteve për të mbyllur Shoqatën bjelloruse të Gazetarëve (BAJ).

“Për më shumë se 25 vjet, Shoqata bjelloruse e Gazetarëve, në bashkëpunim me Federatën Ndërkombëtare dhe Evropiane të Gazetarëve është fituese e çmimeve të ndryshme ndërkombëtare për angazhimin e saj ndaj parimeve gazetareske, ka punuar për të mbrojtur dhe avokuar për të drejtat e punonjësve të medias në Bjellorusi”, tha Ribeiro.

“Ne e dënojmë këtë fushatë kundër BAJ, e cila për fat të keq arriti kulmin në mbylljen e saj dhe përsëri u bëjmë thirrje autoriteteve të zbatojnë plotësisht të gjitha angazhimet e OSBE-së dhe detyrimet ndërkombëtare të vendit në lidhje me lirinë e shprehjes dhe lirinë e medias”, vijon ajo.

Më 27 gusht, një padi të ngritur nga Ministria bjelloruse e Drejtësisë, Gjykata Supreme urdhëroi shpërbërjen e BAJ-it për pretendimin e shkeljes së legjislacionit për shoqatat publike.

Vendimi vjen pas inspektimit në shkallë të gjerë të aktiviteteve të BAJ, kontrollit të zyrave, konfiskimit të dokumenteve e pajisjeve dhe bllokimin e xhirollogarive bankare nga autoritetet.

Përfaqësuesi i OSBE -së për Lirinë e Medias vëzhgon zhvillimet e mediave në të 57 shtetet pjesëmarrëse në organizatë. 

Rruga Press