Dugolli viziton Hysni Mehanin në spital: Dhuna nuk do ta ndalë LVV-në

Deputeti i Lëvizjes Vetëvendosje, Enver Dugolli, ka reaguar pas sulmit fizik ndaj zëvendësministrit të Financave dhe kryetarit të Qendrës së LVV-së në Skenderaj,

Përmes një postimi publik, Dugolli bëri të ditur se ka vizituar Mehanin në Spitalin e Mitrovicës, ku ai po merr trajtim mjekësor pas incidentit të ndodhur në Skenderaj.

“Në Spitalin e Mitrovicës vizituam aktivistin tonë dhe zëvendësministrin, Hysni Mehani. Personeli mjekësor po kujdeset për gjendjen e tij shëndetësore dhe u jemi mirënjohës për profesionalizmin e treguar”, ka shkruar Dugolli.

Ai ka akuzuar kryetarin e Komunës së Skenderajt, Sami Lushtaku për përdorim të dhunës dhe presionit politik, duke deklaruar se “me sulme fizike, presione dhe metoda banditeske nuk do ta ndalni kurrë Hysniun dhe as Lëvizjen Vetëvendosje”.

Dugolli ka theksuar se dhuna është mjet i atyre që, sipas tij, nuk kanë argumente politike, ndërsa ka dënuar ashpër kërcënimet dhe sulmet fizike si formë frikësimi politik.

Rruga Press