Costa uron Kosovën për Ditën e Evropës: E ardhmja juaj është në BE

May 9, 2026 user 1

Presidenti i Këshillit Evropian, Antonio Costa, ka uruar Kosovën në Ditën e Evropës, duke thënë se vendi i saj është në Bashkimin Evropian.

“Të dashur qytetarë të Kosovës, po ju drejtohem sot si anëtarë të ardhshëm të Bashkimit Evropian. Në Ditën e Europës, ne festojmë projektin tonë të përbashkët europian, kur anëtarët tanë themelues zgjodhën unitetin mbi ndarjen dhe bashkëpunimin mbi konfliktin. Ata vendosën të ndërtojnë një të ardhme paqeje, lirie dhe prosperiteti mbi hirin e Luftës së Dytë Botërore”, ka thënë Costa.

Lexo më shumë Kurti pasi u nominua për kryeministër: Është detyrim historik, këtë detyrë do ta përmbushim e s’na ndalë dot askush

Ai shtoi se Kosova ndan të njëjtin destinacion me vendet e rajonit drejt BE-së.

“Ne besojmë se e ardhmja juaj është në Bashkimin Europian. Po bëhet shumë punë e madhe që kjo të ndodhë. Ju ndani të njëjtin destinacion me pjesën tjetër të rajonit — Bashkimin Europian. Vazhdoni të punoni që kjo të realizohet. Së bashku, do të ndërtojmë një të ardhme të përbashkët evropiane. Rroftë Europa!”, u shpreh ai.

Lexo më shumë Raporti alarmant: Shqipëria humb mbi 1-mld euro në vit nga korrupsioni, me këto ritme pritet të shkojë deri në 4.8 mld

Rruga Press