Moska mbyll të gjitha aeroportet për shkak të frikës nga dronët e Ukrainës

Të katër aeroportet në kryeqytetin rus Moskë pezulluan operacionet sot për shkak të frikës së sulmeve me dronë nga Ukraina.

Shërbimet për media të aeroportit njoftuan kufizimet në deklarata të veçanta, duke shtuar se oraret e fluturimeve mund të përshtaten.

U vu re se kufizimet u vendosën për shkak të aktivizimit të “planit Kover”, i cili parashikon mbylljen e plotë të hapësirës ajrore për të gjitha avionët, me përjashtime të rralla.

Kufizimet u njoftuan nga aeroportet “Vnukovo”, “Domodedovo”, “Zhukovsky” dhe “Sheremetyevo”.

Për më tepër, interneti është çaktivizuar në Moskë duke filluar nga sot. Autoritetet ruse njoftuan kufizimet të hënën.

Një deklaratë qeveritare tha se kufizimet u vendosën lidhur me ngjarjet që shënojnë 9 Majin, Ditën e Fitores në Luftën e Dytë Botërore.

Kufizimet u shtuan pasi presidenti ukrainas Volodymyr Zelensky paralajmëroi gjatë samitit të Komunitetit Politik Evropian në Jerevan të hënën se dronët ukrainas mund të fluturonin mbi paradën në “Sheshin e Kuq” të Moskës më 9 maj. 

Rruga Press