Haxhiu përkujton “Epopenë e Dukagjinit”: Përpjekja për liri as nuk rrethohet, as nuk ndalet, e as nuk thyhet

Kryetarja e Kuvendit të Kosovës, Albulena Haxhiu, ka thënë e para 28 vjetësh Gllogjani u rrethua që të shuhet një vatër e rezistencës.

Por ajo ka thënë se ndodhi e kundërta nga rezistenca e familjes Haradinaj.

“Para 28 viteve Gllogjani u rrethua që të shuhet një vatër e rezistencës tonë, por ndodhi pikërisht e kundërta. Familja Haradinaj me luftëtarët tjerë të lirisë e çanë rrethimin dhe dëshmuan se përpjekja për liri as nuk rrethohet, as nuk ndalet e as nuk thyhet”, ka thënë Haxhiu pas homazheve që ka bërë në Gllogjan me rastin e “Epopesë së Dukagjinit”.

Haxhiu ka thënë se nderojnë sakrificën e Him Haradinaj, Gazmend e Agron Mehmetaj dhe kontributin e secilit ushtarë dhe secilës ushtare të UÇK-së.

“I falënderohemi me përulësi secilit dhe secilës ushtarë të lirisë që me kontributin e tyre e çliruan vendin tonë dhe bënë që ne sot të jetojmë në shtet të lirë dhe të pavarur”, ka thënë Haxhiu.

Rruga Press