Pasi e izoloi totalisht juglindjen e vendit, Rama niset drejt Korçës me helikopter

February 23, 2026 User2

Teksa rruga Prrenjas-Librazhd është mbyllur për shkak të rrëshqitjeve të dherave dhe konspirohet me rrezikshmëri të lartë, kryeministri Edi Rama ka planifikuar një vizitë në Korçë.

BalkanWeb mëson se Policia e Korçës është lajmëruar se kryeministri Edi Rama do zbresë me helikopter në 11:00 në Korçë, për inaugurimin e Polit të Dijes.

Lexo më shumë BE-ja thotë se s'do të pranojë asnjë rritje të tarifave të SHBA-së pas vendimit të Supremes

Duke qenë se i vetmi aks që lidh Pogradecin dhe Korçën është mbyllur, kryeministri duket se ka gjetur zgjidhjen për të vijuar vizitën e tij, përmes helikopterit. Sakaq, nga kryeministria nuk ka njoftim në lidhje me takimin në fjalë, ndërsa mediat e Korçës kanë raportuar lajmin mbi vizitën në fjalë.

Kujtojmë se sot në mesditë ishte planifikuar hapja e rrugës, pas dëmtimeve që pësoi aksi në vendin e quajtur ‘Arra e Gurrës’.

Lexo më shumë VIDEO/ Arrestohet ish-zëvendëskryeministri i Maqedonisë së Veriut. Artan Grubit iu vunë prangat në pikën kufitare të Bllacës

Por sot në këtë vend, pati sërish rrëshqitje, duke bërë që të anulohen planet. Madje dhe mjetet e tonazhit të rëndë që po punonin për hapjen e rrugës janë zhvendosur nga vendi i ngjarjes, për shkak të rrezikshmërisë së lartë.

Rruga Press