Eksploziv makinës së kreut të Sindikatës së Minatorëve në Bulqizë, shoqërohen disa persona

August 27, 2021 user 1

Automjetit të kreut të Sindikatës së Minatorëve të Bashkuar të Bulqizës, Elton Debreshi i është vënë një sasi lënde plasëse.

Makina e Debreshit, i cili është gjithashtu edhe ish-kandidat i pavarur në zgjedhjet e 25 prillit, ishte parkuar përpara banesës së tij, në fshatin Dushaj të njësisë administrative Fushë-Bulqizë, kur ka ndodhur shpërthimi, rreth orës 1 pas mesnate.

Lexo më shumë 8 mijë euro gjobë për PDK-në, shkak fjalimi i Sami Lushtakut “T’i çojna mesazh Albin Kurtit dhe zagarve të tij”

Policia lokale bëri me dije se sasia e lëndës plasëse ishte vendosur në pjesën e përparme të automjetit dhe nga shpërthimi janë shkaktuar vetëm dëme materiale.

Elton Debreshi jo pak herë ka dal kundër pronarit të AlbChrome Samir Mane për shkak të kushteve të rënda të punës në minierën e Bulqizës dhe për pasojë është larguar nga vendi i punës.

Lexo më shumë Hyseni: Pastrimi i shtretërve të lumenjve ka parandaluar dëme milionëshe në Gjilan

Policia tha se janë shoqëruar disa persona që dyshohet se mund të kenë lidhje me ngjarjen.