Shteti që dridhet nga trupi i zhveshur, por jo nga krimi i zhveshur

Autor : Lirim Gashi

Drejtoresha e Përgjithshme e Drejtoratit për avancimin dhe mbrojtjen e të drejtave dhe lirive të njeriut në Ministrinë për të Drejtat e Njeriut dhe Pakicave të Malit të Zi, Mirjana Pajkoviq, dhe ish-këshilltari i Presidentit të Malit të Zi, Dejan Vukshiq, janë në qendër të vëmendjes së skandalit seksual që po trondit qeverinë e këtij vendi.

Pasi në fund të dhjetorit në publik u shfaqën pamje eksplicite të Mirjana Pajkoviq, ajo për këtë e ka shpallur përgjegjës pikërisht Vukshiqin, duke paraqitur kallëzim penal kundër tij.

Vukshiq më pas i ka hedhur poshtë, siç thotë ai, “të gjitha pretendimet e pasakta, të paplota dhe tendencioze me të cilat, pa prova, po tentohet t’i atribuohet përgjegjësia për cenimin e privatësisë së Pajkoviq-it dhe shpërndarjen e pamjeve të kontestuara”.

“Për herë të parë këto përmbajtje i kam parë vetëm kur ato filluan të qarkullojnë në mënyrë të paligjshme në rrjetet sociale”, ka deklaruar Vukshiq.

Ai para Vitit të Ri ka dhënë dorëheqje nga pozita e këshilltarit të Jakov Milatoviq-it, ndërsa Pajkoviq ka dhënë dorëheqje të premten. Të dy kanë deklaruar se arsyet janë private.

Koment :

Në Mal të Zi nuk shpërtheu ndonjë luftë, nuk u rrëzua ndonjë kushtetutë, nuk u zhdukën miliona nga buxheti.

U shfaq trupi i njeriut.

Dhe ja ku ra qeveria në panik sikur të ishte ekspozuar kodi bërthamor i NATO-s.

Ironia e hidhur:

Në një shtet ku korrupsioni ecën lakuriq nëpër institucione, skandal bëhet lakuriqësia private e një femre.

BIOLOGJIA QË I TURPËRON MORALISTËT

Le ta themi qartë, në mënyrë shkencore e pa emocione:

Trupi i njeriut nuk është krim

Seksualiteti nuk është atentat ndaj shtetit

Instinkti është më i vjetër se protokollet qeveritare

Por problemi nuk është trupi.

Problemi është kamera.

Jo akti – por shpërndarja.

Jo dëshira – por abuzimi me privatësinë.

Nëse dikush duhet të dridhet, nuk është ai që ka trup, por ai që e shndërron trupin e tjetrit në armë politike.

MORALI SELEKTIV – SPORT BALLKANIK

Ballkani ka një moral elastik si gomat e kamionit:

Kur vidhen miliona → “çështje procedurale”

Kur shkatërrohen institucionet → “kontekst politik”

Por kur ekspozohet trupi, ndodh APOKALIPSI MORAL

Kjo nuk është etikë.

Kjo është pornografi morale, apo kënaqësi publike që shitet si indinjatë.

SATIRA POLITIKE: KUSH ËSHTË FAJTORI?

Në këtë tragjikomedi kemi tre role klasike:

Viktima – që humb privatësinë

Mohuesi profesional – që “për herë të parë i ka parë pamjet në Facebook”

Publiku i virgjër moral – që s’lë gjë të zezë pa bërë privatisht, por ofendimin viktimës ia bën vetëm publikisht.

Dorëheqjet?

Po, sepse në Ballkan është më e lehtë të dorëhiqesh për seksin sesa për krimin.

ETIKA E VËRTETË (QË ASKUSH S’E DO)

Etika nuk matet me sa rroba ke në trup,

por me sa dinjitet ke në veprime.

Morali nuk është të turpërosh një grua për trupin e saj,

por të mbrosh të drejtën e saj që trupi të mos shndërrohet në mall politik.

KONKLUZION I THJESHTË, POR I RREZIKSHËM

Ky nuk është skandal seksual.

Ky është skandal i voyeurizmit politik,

i hipokrizisë institucionale

dhe i shoqërisë që ende mendon se morali fillon te kofsha dhe mbaron te ekrani.

Në fund të fundit:

Shtetet nuk shemben nga trupi i njeriut.

Shtetet shemben nga mendja e sëmurë që e përdor atë trup për pushtet.

Rruga Press