Probleme me grumbullimin e mbeturinave në Prishtinë, situatë e rënduar në kryeqytet

January 16, 2026 User2

Situata me mbeturina në Komunën e Prishtinës po vazhdon të jetë e rëndë, pasi edhe në vitin e kaluar kishte probleme me grumbullimin e tyre.

Madje, kishte edhe dilema për qytetarët se a duhet paguar mbeturinat Kompanisë “Pastrimi” apo komunës.

Por, në marrëveshjen e arritur mes kompanisë dhe komunës, u mor vendim që qytetarët të paguanin faturat tek këta të fundit.

Lexo më shumë Kurti thirrje liderëve politikë: Jemi kaq afër zgjidhjes për presidentin saqë do të ishte e pafalshme të shkojmë sërish në zgjedhje për të ardhur përsëri në të njëjtën pikë

Mirëpo, edhe pas kësaj situate ka ankesa nga qytetarët që mbeturinat ka me javë që nuk mblidhen nga Kompania e Pastrimit, duke bërë që ato të kundërmojnë rëndë.

Grumbulli i tyre në masë të madhe nëpër lagje të ndryshe të kryeqytetit, ka shkaktuar edhe rrezik nga qentë endacak që në këtë kohë ngricash, është piketim i tyre për të gjetur ushqim.

Lexo më shumë Ku shkel Rama, arrestohen qytetarë, protestë jashtë Pallatit të Kulturës në Vlorë, shoqërohen 4 persona

Një zonë e rënduar mbetet edhe pjesa tek Muzeu i Kosovës, ku mbeturinat janë grumbulluar tash e disa ditë dhe vazhdojnë të sjellin probleme për qytetarët.

Rruga Press