Sallova: Analistët po kriminalizojnë sovranitetin e Kosovës, në sinkron me diskursin e Serbisë

December 10, 2025 User2

Bëjnë sikur janë të prekur analistët e ish-regjimit nëpër studio televizive kur populli i quan “media të Serbisë”, por harrojnë se çdo natë e krahasojnë veprimin e Albin Kurtit në veri me veprimet e Millosheviqit në Kosovë në vitet 1989-1999. Pra, e kriminalizojnë të drejtën sovrane të Kosovës për ta qeverisur çdo cep të territorit të saj të vogël.

Lexo më shumë Murati: Ulja e akcizës për naftën do të ishte vetëm 8 euro kursim në muaj për një familje, ndërsa 10 milionë euro humbje për shtetin

Kjo qasje jo vetëm që është në sinkron të plotë me diskursin e qeverisë së Serbisë kundër sovranizimit të Kosovës, por për analogji i ngjan edhe përpjekjeve të Serbisë për të inkriminuar luftën çlirimtare të UÇK-së. Prandaj, kush tjetër përveç Serbisë synon të njollosë dhe të inkriminojë çlirimin, shtetësinë dhe sovranitetin e Kosovës në çdo cep?

Nuk mund të mbrosh njërën dhe të kundërshtosh tjetrën. Po e mohave njërën, i ke mohuar të gjitha – dhe, deshe apo nuk deshe, ke kaluar në pozicion politik me Serbinë.

Lexo më shumë Sveçla: Me miratimin e ligjit të ri, qytetarët tanë nga mërgata që janë detyruar të heqin dorë nga shtetësia e Kosovës do të rikthejnë shtetësinë me procedurë të lehtësuar

Rruga Press