Maqedonci merr pjesë në ministerialin e Kartës së Adriatikut në Sarajevë

Ministri në detyrë i Mbrojtjes, Ejup Maqedonci, ka njoftuar se po qëndron në Sarajevë me ftesë të ministrit të Mbrojtjes së Bosnjës dhe Hercegovinës, Zukan Helez, për të marrë pjesë në punimet e ministerialit të iniciativës SHBA – Karta e Adriatikut (A5).

Sipas tij, gjatë mbrëmjes së djeshme, së bashku me ministrat dhe përfaqësuesit e ministrive të mbrojtjes të vendeve anëtare të A5, kanë marrë pjesë në ceremoninë zyrtare që shënoi 20-vjetorin e themelimit të Forcave të Armatosura të Bosnjës dhe Hercegovinës.

Maqedonci ka theksuar se pjesëmarrja në këtë format ndërlidhës të sigurisë rajonale reflekton angazhimin e Kosovës për bashkëpunim dhe koordinim me aleatët në fushën e mbrojtjes.

Rruga Press