Në vitin 2020, kur Qeveria Hoti, atëherë e paligjshme, e propozoi buxhetin, Lëvizja Vetëvendosje nuk ia bllokoi, sepse bëhej fjalë për buxhetin me të cilin bëhej funksional shteti i Kosovës

Nga Elvis Hoxha

U ngut Lumir Abdixhiku me thënë që nuk shkon në Kuvend për teatër. Në vitin 2020, kur Qeveria Hoti, atëherë e paligjshme, e propozoi buxhetin, Lëvizja Vetëvendosje nuk ia bllokoi, sepse bëhej fjalë për buxhetin me të cilin bëhej funksional shteti i Kosovës. E ligjshme apo e paligjshme, vetëm qeveria mund ta propozonte buxhetin. Qeveria Hoti nuk ishte teatër, ishte e paligjshme. Nuk duhet të ishte as në skenë të teatrit. Por një administratë e tërë duhet të merrte pagat dhe Lëvizja Vetëvendosje nuk mund t’ia lejonte vetes të bëhej bllokuese për pagat e administratës.

Sot dihet mirë kush janë bllokuesit. Dhe bllokuesit janë të koordinuar. Lumiri bllokon buxhetin në Kuvend. Përparimi e shpie në Kushtetuese mungesën e buxhetit për Prishtinën. Labani e vonon në Kushtetuese… njësoj si për shumë ligje, njësoj si për bllokimin e Kuvendit kur Gjykata Kushtetuese e mbajti peng Kosovën për më shumë se pesë muaj që prej zgjedhjeve të shkurtit. Trekëndëshi i Bermudës është zhvendosur në Prishtinë. Dihet kush janë bllokuesit.

Sepse siç e tha Hikmetja, opozita nuk është e përçarë. Ajo është e bashkuar dhe e koordinuar kundër Albin Kurtit dhe Vetëvendosjes, por nuk ka asnjë problem me Listën Serbe. Kundër Vetëvendosjes janë koordinim. Për shtrirjen e ligjit në veri të Kosovës jo.

Të bashkuar për të bllokuar… Kosovën.

Rruga Press