Ajeti: Gjermania mbetet një investitor i rëndësishëm në Kosovë

September 17, 2025 user 1

Ambasadori i Kosovës në Gjermani, Faruk Ajeti, së bashku me këshilltaren e kryeministrit në detyrë Albin Kurti, Fëllanza Podrimja, kanë takuar Sekretarin Parlamentar në BMZ, (Ministria Federale për Bashkëpunim Ekonomik dhe Zhvillim) Johann Saathoff.

Ajeti ka njoftuar se në bisedë shumë e hapur dhe përmbajtjesore, kanë biseduar mbi bashkëpunimin ekonomik mes Gjermanisë dhe Kosovës.

Lexo më shumë Arsimi publik falas, por hyrja shtrenjtë! Sa kushton dita e parë e shkollës? Mesatarisht 34 mijë lekë për një fëmijë

“Vizita e fundit e Saathoff në Prishtinë ka dhënë tashmë impulse të rëndësishme. Jemi veçanërisht mirënjohës për mbështetjen në fushat e arsimit profesional, energjisë dhe mbrojtjes së klimës”, ka shkruar Ajeti në Facebook.

Sipas tij kjo formë e diplomacisë së butë formëson imazhin e Gjermanisë në botë në mënyrë thelbësore – dhe veçanërisht në Kosovë, e cila përmes mërgatës së saj është lidhur aq ngushtë me Gjermaninë.

Lexo më shumë Kurti thirrje liderëve politikë: Jemi kaq afër zgjidhjes për presidentin saqë do të ishte e pafalshme të shkojmë sërish në zgjedhje për të ardhur përsëri në të njëjtën pikë

“Një falënderim i sinqertë për z. Saathoff për bisedën e hapur dhe konstruktive. Gjermania mbetet partneri më i rëndësishëm tregtar në BE dhe një investitor i rëndësishëm në Republikën e Kosovës’, ka thënë ambasadori.

Rruga Press