Bota

Shpërthime në Saratov: Forcat ukrainase sulmojnë rafinerinë e rëndësishme për ushtrinë ruse

user 1

Forcat e Operacioneve Speciale të Ukrainës, në bashkëpunim me njësi të tjera të Forcave të Armatosura, kanë goditur gjatë natës një rafineri nafte në rajonin e Saratovit në Rusi, njoftoi Shtabi i Përgjithshëm i Ukrainës.

Raportohet për shpërthime dhe zjarr pranë objektit, ndërsa përmasat e dëmit ende po vlerësohen.

“Rafineria e Saratovit specializohet në prodhimin e benzinës, naftës, vajit të rëndë, bitumit të tipeve të ndryshme, vajit të gazit në vakum, squfurit teknik dhe më shumë – gjithsej mbi 20 lloje produktesh të naftës,” tha Shtabi i Përgjithshëm.

Lexo më shumë  Garancitë e sigurisë/ Zelensky: Plani për paqe i SHBA-së kërkon diskutim më të gjerë

Sipas të dhënave, rafineria ka përpunuar 4.8 milionë tonë naftë në vitin 2023 dhe furnizon forcat e armatosura ruse.

“Forcat Mbrojtëse të Ukrainës po ndërmarrin hapa sistematikë për të degraduar potencialin ushtarako-ekonomik të Federatës Ruse – përfshirë aftësinë e saj për të furnizuar trupat pushtuese me karburant, municione dhe armë – me qëllim për t’i dhënë fund agresionit të armatosur kundër Ukrainës. Më shumë detaje do të publikohen,” thuhet në deklaratë.

Lexo më shumë  Rritet tensioni mes Japonisë dhe Kinës/ Tokio thërret ambasadorin kinez për shpjegime

Në fund të gushtit, raportimet mediatike theksuan se sulmet ukrainase ndaj 10 rafinerive ruse kishin ndërprerë të paktën 17% të kapaciteteve të rafinimit të Rusisë, rreth 1.1 milion fuçi në ditë. Sulmet shkaktuan pengesa në përpunimin dhe eksportin e naftës ruse, sollën mungesa benzine në disa zona të Rusisë dhe erdhën si përgjigje ndaj avancimeve të Moskës në fushëbetejë dhe sulmeve të saj ndaj infrastrukturës së gazit dhe energjisë së Ukrainës.

Rruga Press

YouTube player