Takim historik dhe mesazh për Rusinë: Armenia dhe Azerbajxhani para nënshkrimit të marrëveshjes së paqes

July 10, 2025 user 1

Kryeministri i Armenisë, Nikol Pashinyan, dhe presidenti i Azerbajxhanit, Ilham Aliyev, janë takuar të enjten në Abu Dhabi për të diskutuar hapat e ardhshëm drejt finalizimit të marrëveshjes së paqes.

Ky është takimi i parë zyrtar bilateral mes liderëve të Armenisë dhe Azerbajxhanit që prej arritjes së dakordësisë mbi një draft të marrëveshjes së paqes, pas gati katër dekadash konflikti.

Rezultatet e këtij takimi do të ndikojnë të ardhmen e Kaukazit Jugor, jo vetëm për shkak të asaj që do të bien dakord dy liderët, por edhe për faktin që Rusia, për herë të parë, është përjashtuar nga ekuacioni armeno-azerbajxhanas, raporton euronews.

Dhe ky përjashtim nuk ka ardhur nga iniciativa e Moskës. Si Baku ashtu edhe Jerevani janë distancuar gradualisht nga Kremlini gjatë viteve të fundit, pasi marrëdhëniet e tyre me Rusinë janë përkeqësuar ndjeshëm.

🇦🇿🇦🇲 Aliyev and Pashinyan held their first meeting since the Karabakh war — and agreed on a peace treaty text

The talks in Abu Dhabi have concluded, with both sides confirming their readiness to sign a peace agreement and outlining the key terms. Among the main points:

🔹 Peace… pic.twitter.com/c4XIXLHIC4
— NEXTA (@nexta_tv) July 10, 2025

Takimit në Abu Dhabi i ka paraprirë edhe një takim bilateral i ngjashëm midis kryeministrit armen dhe presidentit turk, Recep Tayyip Erdogan.

Lexo më shumë LVV reagon pas vendimit të Gjykatës: Dekreti ishte antikushtetues - do të angazhohemi për zgjedhjen e presidentit

Ndërsa është e ngujuar në luftën në Ukrainë, Moska po humbet gradualisht ndikimin në hapësirën e ish-Bashkimit Sovjetik. Ndryshimi më i dukshëm në këtë drejtim është humbja e dominimit disadekadësh të Rusisë mbi rajonin e Kaukazit Jugor.

Në shtator 2023, Azerbajxhani mori kontrollin e plotë mbi rajonin e Karabakut pas një fushate të shpejtë ushtarake, duke i dhënë fund konfliktit disavjeçar me Armeninë, në të cilin Kremlini kishte luajtur për vite me radhë një rol qendror.

Lexo më shumë “AKI ka goditur spiunazhin serb” - Maqedonci flet për spiunët dhe luftën hibride serbe

Gati dy vjet më vonë, Jerevani dhe Baku po shkruajnë histori pa Rusinë, duke u dakorduar për tekstin e marrëveshjes së paqes dhe duke normalizuar marrëdhëniet pas një konflikti të përgjakshëm që deri vonë nuk kishte një fund të dukshëm.

Rruga Press